Саноатсодиротбонк

Ҳадафи мо - Муваффақияти Шумо!

Аз оғоз то ба имрӯзи Саноатсодиротбонк!

1. Бо Қарори Ҳукумати Ҷумҳурии Тоҷикистон аз 5 феврали соли 2013 №34 Муассисаи давлатии «Фонди дастгирии соҳибкорӣ» дар назди Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъсис дода шуд.

2. Бо Қарори Ҳукумати Ҷумҳурии Тоҷикистон аз 14 феврали соли 2015 №62 шакли ташкилию ҳуқуқии Муассисаи давлатии “Фонди дастгирии соҳибкорӣ” тағйир дода шуда, ба Муассисаи давлатии “Фонди дастгирии соҳибкории назди Ҳукумати Ҷумҳурии Тоҷикистон” табдил дода шуд.

3. Бо Қарори Ҳукумати Ҷумҳурии Тоҷикистон аз 25 июни соли 2020 №390 Муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон" ба корхонаи воҳиди давлатии бонки саноативу содиротии Тоҷикистон "Саноатсодиротбонк" табдил дода шуд.

Санаи 23-уми октябри соли 2020 КВД БССТ “Саноатсодиротбонк” соҳиби иҷозатномаи БМТ №0000126 гардид, ки масъулияти Бонк назди мизоҷонаш зиёдтар шуда, моро барои хизмати софдилона ва одилона даъват менамояд. КВД БССТ “Саноатсодиротбонк” таҳти шиори “Ҳадафи мо муваффақияти Шумо” фаъолияти худро оғоз намуда, мавқеашро ҳамчун бонки давлатӣ дар бозори байнибонкӣ устувор менамояд.

Айни ҳол, дар Бонк хизматрасониҳои қабули пасандоз, интиқоли маблағ, кортҳои пардохтӣ, кушодани суратҳисоб, пешниҳоди қарзҳо, амалиётҳои сейфӣ, амалиётҳои ҳисоббаробаркунӣ, ва иваз намудани пулҳои фарсуда барои шахсони воқеӣ ва ҳуқуқӣ фаъол мебошанд.

Ҷиҳати равнақ додани фаъолияти Бонк ва хизматрасонӣ намудан ба мизоҷони минтақаҳои кишвар солҳои 2021-2022 филиалҳои Бонк дар шаҳри Хуҷанди вилояти Суғд, шаҳрҳои Бохтар ва Кӯлоби вилояти Хатлон ва шаҳри Хоруғи вилояти мухтори кӯҳистони Бадахшон ба фаъолият оғоз намуданд.

 

2020